فێرى وەفادارى راستەقینە ببە..

ئەم پیاوە گەورەو بەتەمەنەى لەوێنەکەدا دیارە بەم جۆرە هەموو بەیانیەک لەگەل خێزانەکەیدا نانى بەیانى لە خەڵوەتگەى پیرى دەخوات هەرچەن تەمەنى هەردوکیان هەشتا ساڵى تێ پەراندوە

وێنەگرەکە لەم مامە پیرەیە دەپرسێ : هۆکارى ئەوەى خێزانەکەت لە خەڵوەتگەى پیرى دەمێنێتەوە چیە؟
... مامە پیرەش لە وەڵامدا دەڵێ : خێزانەکەم ماوەیەکە لێرە دەمێنێتەوە چونکە توشى نەخۆشى لەبیرچونەوە بوە و هیچ کەس ناناسێتەوە
وێنەگرکە پرسى : ئایا خێزانەکەت نارەحەت نابێ ئەگەر تۆ سەردانى نەکەیت؟
مامە پیرە : ئەو ئێستا نازانێ من کێم نام ناسێتەوە !!
زیاتر لە پێنج ساڵ دەبێ ئەم نەخۆشیەى گرتوەو نام ناسێتەوە...!!
وێنەگرکە بە سەرسورمانەوە دەپرسێ : پێنج ساڵە ئەو تۆ ناناسێتەوە کەچى تۆ هەموو بەیانیەک ئەچیت بۆ لاى تا نانى بەیانى پێکەوە بخۆن !!
مامە پیرەکە بە زەردەخەنەوە دەستى وێنەگرەکەى گرت و پێى وت : راستە ئێستا ئەو نازانێ من کێم بەڵام خۆ من دەزانم ئەو کێ یە ئەوە شەست ساڵ دەبێ ئەو خێزانى منە..

ئەوە پێى دەوترێ وەفادارى..
وێنەیەک کە پێوستە هەموو هاوسەرەکان لێوەى فێر ببن وشایەنى ئەوەیە هەموان بەرێزەوە لێى بروانین
****
ماناى راستەقینەى هاوسەردارى خۆشەویستى و بەزەى و بۆیەک ژیانە

پاشایەك ڕاوێژكارەكانی خۆی بانگكردو داوای لێكردن كە پەندو ئامۆژگاری زەمانە لە كۆنەوە تا ئێستا تۆمار بكەن، تا نەوەكانی دواڕۆژ سوودی لێ وەربگرن.

ئەوانیش دوای هەوڵدانێكی زۆرو كارێكی بەردەوام توانیان چەندین بەرگ لە كتێبی گەورە بنووسنەوەو پەندو حیكمەتەكانی تێدا تۆمار بكەن،
... دوای ئەوەی پادشا چاوی بە كتێبە گەورەكان كەوت، ڕاوێژكارەكانی بانگكردو پێشنیاری بۆ كردن كە ئەو كتێبانە زۆر گەورەن‌و خەڵكی ئارەزووی خوێندنەوەی ناكەن‌و نایخوێننەوە!!

لەبەرئەوە داوای لێكردن كە كورتی بكەنەوە، ڕاوێژكارانیش دەستیان بە كورتكردنەوەی كردو لە كۆتاییدا لە دوو توێی كتێبێکدا كۆیان كردەوە!
بەڵام دیسان پادشا بە زۆری زانی‌و پەسەندی نەكرد، ئەوانیش كورتیان كردەوە، بۆ پارچە نووسراوێكی كورت، دیسان ئەویشی هەر بە دڵ نەبوو!

دواتر كورتیان كردەوە بۆ یەك لاپەڕە، بەڵام لەگەڵ ئەوەشدا هەر بە درێژی زانی!!
لە كۆتاییدا ڕاوێژكاران هەمو پەندو حیكمەتەكانیان لە یەك ڕستەدا كۆكردەوە، كە پادشا زۆری بە دڵ بوو!

(هیچ شتێك بە خۆڕایی دەست ناكەوێت)!

پادشا پێی گوتن: دەستان خۆش ئەمە ئەو پەندو حیكمەتەیە، كە پێویستە بۆ نەوەكانمانی بە جێبهێڵین!!

دوو هاوڕێ‌ رۆژێك لە رۆژان گەشتێك دەكەن , لەم گەشتە دا بیابانێكیان دەكەوێتە بەردەم دوای رۆیشتنێكی زۆر دەمەقاڵیان لەنێوان روودەدات ,

یەكێكیان توڕەدەبێت و زللەیەك لەئەوی تریان دەدات و ئازاری پێدەگات ,

... ئەوەی ئازاری پێدەگات هیچ بەرپەرچی ناداتەوە جگە لەوەی بەگەورەیی لەسەرلمــەكە دەنوسێت ( ئەمرۆ خۆشەویسترین هاورێم ئازاری پێگەیاندم )...!!!

چەند هەنگاوێكی تر رۆیشت لەناكاو ئەوەی ئازاری پێگەیشت خەریك بوو نغرۆی لمـی بیابان بێت هاورێكەی كەئازاری دابوو بەخێرایی دەستی گرت و دەربازی كرد

ئەویش بێ‌ ئەوەی سوپاسی بكات بەردیكی بینی و لەسەری داتاشی نوسی ( ئەمرۆ خۆشەویسترین هاورێم لەمردن دەربازی كردم )....!!!!!

هاورێكەی لێپرسی : كاتێ‌ ئازاری تۆم دا لەسەرلم نوسیت , كەچی كەدەربازم كردی لەنغرۆ بوون لەسەربەرد نوسینەكەت داتاشی

هاورێ ئازاردرا و دەربازكراوەكە گووتی :

كاتێ ئازارم پێگەیشت لەسەرلم نوسیم بۆئەوەی بایەك بێت نوسراوی سەرلمەكەی نەمێنێت

بەڵام كاتێ‌ خەریك بوو نغرۆبم تۆمنت دەربازكرد بۆیە لەسەربەرد نوسینەكەم داتاشی بۆئەوەی تادونیا ماوە ئەم دەست نووسە بمێنێ‌ ...!!!!!

*******************************

خۆشەویستان سەرنج بۆئەم چیرۆكە لە چەند خەسڵەتێكی جوانی مرۆڤایەتی یە ئەویش بریتین لـــە

( خۆشەویستی و لێبوردەیی و هاوكاری و پەیامی وەفا و هاوڕێیەتی راستەقینە ) یەادامه ...

کامکاران

کامکاران بنەماڵەیەکی کوردن پێک ھاتوو لە حەفت برا و خوێشکێک کە لە بەناوبانگترین و پێشرەوترین تیپەکانی مووسیقان لە کوردستان و لە ئێرانیش دا. کۆی بەرھەمەکانیان ھەم گۆرانی کوردی لە خۆی گرتوە و ھەم مووسیقای سوننەتی فارسی کە بە مێلۆدییەکی زۆر جوان و بە ریتمێکی پڕ وزە وە لێدراون. گۆرانییە کوردییەکانیان دەوڵەمەندانە جۆراوجۆرن و بە قووڵی ریشەیان وا لە مێژووی کۆن و فەرھەنگی نەتەوە سەرفەراز و پڕھ...ەستەکەیان. باس لە چیرۆکە حیماسییەکان و جەنگەکان و عێشقە رۆمانتیکەکان دەکەن و چیرۆکی پاڵەوانانی نەتەوەیی و ئایینی دەگێڕنەوە کە ھەندێکیان دەگەڕنەوە بۆ ھەزاران ساڵ لەمەوبەر، بۆ سەردەمی مادەکان.

کامکارەکان لە سەرانسەری جیھان دا کۆنسێرتیان پێشکەش کردووە. یەکێک لەوانە لە مەراسیمی پێشکەش کردنی خەڵاتی ئاشتیی نۆبێل بووە بە شیرین عیبادی لە سالی ٢٠٠٣ دا.

میژووی تیپەکە

کامکاران، بۆ ئەوەڵ جار، ساڵی ١٣٤٤ ک.ە لە سنە دا وەکوو تیپێکی بنەماڵەیی دەرکەوتن و گەلێک بەرنامەی جۆربەجۆریان لە باشگای ئەفسەران، مەدرەسەکان و تالارەکانی شاری سنە دا پێشکەش کرد. سەرپەرشتی ئەو تیپە سەرەتاییە مامۆستا حەسەن کامکار (باوکی بنەماڵە) بوو و بۆ خۆی بە ڤیۆڵۆن بەشداری دەکرد. دیکەی ئەندامان بریتی بوون لە: ھۆشەنگ (ئاکاردیۆن)، بیژەن (گۆرانیبێژ)، پەشەنگ (سەنتوور)، قەشەنگ (گۆرانیبێژ و ڤیۆڵۆن) و ئەرژەنگ (دومەک).

ساڵی ١٣٤٨ کە مناڵەکانی بنەماڵە تۆزێک گەورەتر بوون، تیپەکەیشیان پتەوتر و یەکانگیرتر بوو و کۆنسێرتگەلێکیان لە ھەندێک لە شارەکانی کوردستان وەکوو ورمێ بەڕێوە برد.

پاش ساڵی ١٣٥٠، ھەندێک لە ئەندامانی بنەماڵە، لەوانە ھۆشەنگ، بیژەن و ئەرسەلان، بۆ فێربوونی زانستییانەی مۆسیقا چوون بۆ تاران و لە زانکۆی ھونەرە جوانەکانی ئەوێ دا دەستیان بە خوێندن کرد (لەو سەردەمە دا، ئەرژەنگ نیگارکێشیی دەخوێند). دوای ماوەیێک، کامکاران لەگەڵ موحەممەد رەزا لوتفی، حسەین عەلیزادە، پەرویز مشکاتیان و چەند کەسێکی تر، دوو تیپی مۆسیقای شەیدا و عارفیان دەمەزراند. ئێستاکە ئەم دوو تیپە لە ناودارترین تیپەکانی مۆسیقای سوننەتیی ئێرانین و لەگەڵ شەجەریان و شارام نازری دا ھاوکاریان بووە.

یەکەم کۆنسێرتەکانی ئەم بنەماڵەیە بە ناوی "تیپی کامکاران" ەوە، لە سەرەتای سەردەمی پاش ئینقلابی ئێران، لە وەرزشگای ئازادی و تالاری وەحدەت لە تاران دا بەڕیوەچوو کە پێکھاتبوو لە سێ بەشی سەرەکی: مۆسیقای فارسی، تاکەژەنیی سەنتوور لە لایەن ئەردەوانەوە و مۆسیقای کوردی.

لە ساڵی ١٣٦٨ ک.ە ‌ئومێد لوتفیش، کوڕی قەشەنگ و موحەممەد رەزا لوتفی، کە تاری دەژەنی، ھاتە ناو تیپەکەوە.

کامکاران، لەم کۆنسێرتگەلی دواییەی خۆیان دا، ھەندێک لە لاوانی بەھرەداریان لەگەڵ خۆیان ھاوڕێ کردووە.

ئەندامانی گرووپ

ھۆشەنگ کامکار

بیژەن کامکار

پەشەنگ کامکار

قەشەنگ کامکار

ئەرژەنگ کامکار

ئەرسەلان کامکار

ئەردەشیر کامکار

ئەردەوان کامکار

مریەم ئیبراھیم پوور

سەبا کامکار

ھانا کامکار

نەیریز کامکار

سیاوەش کامکار

ئومێد لوتفی

------------------------------------

سەرچاوە :

http://en.wikipedia.org/wiki/Main_Page

توێژینەوەی نوێ لە سوید نیشان دەدات کە کەم خەوتن دەبێتە هۆی برسیەتی مرۆڤ.

بەگوێرەی ڕاپۆرتی ناوەندی هەواڵی ڕادیۆتەلەفزیۆنی ئێران، توێژەرانی سویدی بە توێژینەوە لەسەر مێشکی ژومارێک لەم کەسانە بەو ئەنجامە گەیشتن کە کەم خەوتن و یان نەخەوتن دەبێتە هۆی چالاکتر بوونی بەشێک لە مێشک کە پێوەندی بە خواردنه‌وه‌هەیە.

دیتنی خۆراک یان وێنەی خۆراک لە کاتی بێ خەوی ، دەبێتە هۆی برسیەتیەکی زۆر و چوونه‌ سه‌ ری کێشی مرۆڤەکان.

لێكۆڵینه‌وه‌كان ده‌ریانخستووه‌ ئه‌و كه‌سانه‌ی ‌به ڕاده‌ی ‌پێویست ناخه‌ون، زیاتر له‌ مه‌ترسیی‌ تووشبوون به ‌زه‌ختی‌ خوێندان.

توێژینه‌وه‌یه‌كی نوێ ئاشكرای كردووه ‌ئه‌و پیاوانه‌ی كه‌م ئه‌خه‌ون زیاتر ئه‌گه‌ری تووشبوون به‌به‌رزبوونه‌وه‌ی زه‌ختی خوێنیان له‌سه‌ره ‌له‌و پیاوانه‌ی به‌قووڵی ئه‌خه‌ون و ڕێژه‌ی ئه‌و جیاوازییه‌ ئه‌گاته‌80%.

توێژه‌ران ماوه‌ی خه‌وی قوڵیان لای پیاوان به ‌هۆی پێوانه‌كردنی خێرایی شه‌پۆله‌كانی ده‌ماخه‌وه‌ پێوا و بۆیان ده‌ركه‌وت ئه‌و پیاوانه‌دای ‌كه‌كه‌متر ئه‌خه‌ون خاوییه‌كی زۆر له‌ شه‌پۆله‌كانی ده‌ماخیاندا هه‌یه‌.

توێژینه‌وه‌كه‌ ئه‌ڵێ ئه‌وانه‌ی به‌شێكی خه‌وی شه‌وانیان به ‌قووڵی و ئارامی به‌سه‌ر نابه‌ن، شه‌پۆله‌كانی ده‌ماخیان خاو ئه‌بێته‌وه‌و ئه‌م توێژینه‌وه‌یه‌ له‌سه‌ر 784 پیاوی سه‌روو ته‌مه‌نی 65 ساڵ تاقیكراوه‌ته‌وه‌.

ئه‌م توێژینه‌وه‌یه ‌به‌یه‌كه‌م توێژینه‌وه‌ی له‌و جۆره ‌دائه‌نرێ كه‌ به‌شێوه‌یه‌كی ڕوون ده‌ری ئه‌خات كه‌مخه‌وی ئه‌بێته‌ هۆی به‌رزبوونه‌وه‌ی زه‌ختی خوێن.

توێژینه‌وه‌كانی پێشوو ده‌ریان خستبوو خه‌وی خراپ وه‌ک به‌ئاگاهاتنی له‌ناكاو و ته‌نگه‌نه‌فه‌سی له‌كاتی خه‌ودا ئه‌بنه ‌هۆی به‌رزبوونه‌وه‌ی زه‌ختی خوێن.