::✻ღϠ₡ღ AWENA ღϠ₡ღ✻::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

کـــــــــــــــــاك

پێش ئەوەی بێمە بەردەمت
کام بیری جوان خورپەدار
کام دێر هەڵبەست زۆر بەکارە
شانەی دەکەم وەك پەرچەمت
لەماوەی چاو قوچانێکدا
هەزار و یەك خەونی شیرین
دەمکەن بە مەم ، دەتکن بەزین

لە خەیالما
پایز بەهاری لێ دەتکێ
درەختی ڕووت
گەڵای سەوزی پێوە دەلکێ
بەڵام، سەد ئاخ ، ئەی دەرونپاك
کاتێ بانگم دەکەی بە(کاك)
کاك وەك مار
بەرەو گوێچکەم گینگڵ دەدا
کە دێمە گۆ
خۆی لە زمانم لوول دەدا
هێدی...هێدی...
قوتم دەدا
کفنی زەردی نائومێدی

من لە دڵتام...
من لە دەروونتام...
لە گلێنەی چاوی روونتام...
شەرم مەکە...!!!
بە ناوی رووت
ناوم بێنە پڕ بەگەرووت
با لە یەکتر ئاشکرا بین
تا کەی لەناو ئاگرا بین..؟؟
نە تۆ خوشکی...نەمن کاکم...
خوشەویستی دەروون پاکم..!!!

شاعیری گەورەی کورد
(پــــەشــــــــــــــــێو)
٥-٦-١٩٦٩نوسراوە

Writing at: دوشنبه 03 بهمن 1390Time:16:26 By: awenakurd| |

باڵنده‌كانی ئه‌مه‌ریكا، گرانبه‌هاترین كتێبی جیهان

12/Jan/11

(PNA) – به‌رگێك له‌ گرانبه‌هاترین كتێبی جیهان، كه‌ شاكاری جۆن جێمز ئادۆبونه‌ و سه‌ده‌ی نۆزده‌یه‌م له‌ژێر ناوی باڵنده‌كانی ئه‌مه‌ریكا چاپكراوه‌، كۆتایی ئه‌م مانگه‌ مه‌زاد ده‌كرێت و چاوه‌ڕوان ده‌كرێت كه‌ به‌ 10 ملیۆن دۆلار بفرۆشرێت. به‌ گوێره‌ی هه‌واڵی ماڵپه‌ڕی"رادیۆی ده‌نگی ئه‌مه‌ریكا"، ئه‌م كتێبه‌ كه‌ 435 وێنه‌ی له‌ئه‌ندازه‌ی راسته‌قینه‌ی باڵنده‌ی جۆراوجۆر له‌خۆگرتووه‌، وێنه‌كانی به‌ ده‌ست ره‌نگكراون. له‌ ئێستادا ته‌نیا 120 به‌رگی ئه‌م كتێبه‌ له‌ سه‌رتاسه‌ری جیهان ماوه‌ كه‌ به‌ ئه‌گه‌ری زۆر ده‌بێت 107 به‌رگیان له‌ رێكخراوه‌كان و كتێبخانه‌كان بن. به‌ گوێره‌ی رۆژنامه‌ی گاردییه‌ن،دوایین به‌رگی كامڵی ئه‌م كتێبه‌كه‌ ساڵی 2010 مه‌زادكراوه‌، به‌11 ملیۆن دۆلار فرۆشرا و ریكۆردی گرانبه‌هاترین كتێبه‌كانی جیهانی شكاند. ئه‌و به‌رگه‌ی كه‌ بڕیاره‌ كۆتایی ئه‌م مانگه‌ مه‌زاد بكرێت، ساڵی 1838 ماوه‌یه‌كی كه‌م دوای بڵاوبوونه‌وه‌ی، كه‌سێكی ئه‌مه‌ریكایی كڕیبووی. سه‌نته‌ری مه‌زادی كریستی كه‌ به‌رپرسی مه‌زادی ئه‌م كتێبه‌ به‌نرخه‌یه‌، له‌ بروشوری مه‌زادی كاڵاكانیدا به‌های ئه‌م كتێبه‌ی له‌ نێوان 7 تا 10 ملیۆن دۆلار دیاریكردووه‌. هه‌ر بۆیه‌ش ژماره‌یه‌ك له‌ شاره‌زایان پێیانوایه‌ كه‌ له‌وانه‌یه‌ ئه‌م كتێبه‌ به‌ زیاتر له‌ 11 ملیۆن دۆلاربفرۆشرێت و رێكۆردی ئه‌و به‌رگه‌ی كتێبه‌كه‌ بشكێنێت كه‌ ساڵی 2010 به‌ 10 ملیۆن دۆلار فرۆشرا. ئه‌م كتێبه‌ به‌نرخو پڕبه‌هایه‌ دووره‌ له‌وه‌یه‌كه‌ له‌ ژێر كارگه‌ریی قه‌یرانی ئابووریی به‌های دابه‌زێت. ئه‌م كتێبه‌ كه‌ له‌ ئه‌ندازه‌ی زۆر گه‌وره‌ به‌ پانی و درێژیی نزیك به‌مه‌ترێك و له‌ چوار به‌رگدا چاپكراوه‌، به‌رهه‌می كار و تێكۆشانی جۆن جێمز ئادۆبونه‌ له‌ ساڵانی 1827 تا 1838. جۆن جێمز بۆ دیتن و توێژینه‌وه‌ی باڵنده‌ ئه‌مه‌ریكاییه‌كان، له‌ زێدی خۆیفه‌ڕه‌نسا رۆیشت به‌ره‌و كیشوه‌ری ئه‌مه‌ریكا. به‌بڕوای ژماره‌یه‌ك له‌ شاره‌زایان ئه‌م كتێبه‌ له‌ سه‌رده‌می خۆیدا باشترین و كامڵترین سه‌رچاوه‌ بووه‌ له‌سه‌ر كۆمه‌ڵێك له‌ باڵنده‌كانی ئه‌مه‌ریكا. به‌ هۆی وێنه‌كان و ته‌واوكاریی ره‌نگكردنیان به‌ ده‌ست، ئه‌م كتێبه‌ شتێك زیاتره‌ له‌ كتێبێكی ئاسایی و له‌وانه‌شه‌ به‌های مادی و جوانیناسییه‌كه‌یه‌تیی كه‌ كردوویه‌تیی به‌ به‌رهه‌مێكی پڕبه‌های هونه‌ری تاوه‌كو كتێبێكی گیانه‌وه‌رناسیی. ئه‌ندازه‌ و كێشی ئه‌م كتێبه‌ ئه‌وه‌نده‌یه‌ كه‌ بۆ هه‌ڵگرتنی هه‌ر به‌رگێكی، یان هه‌ڵدانه‌وه‌ی هه‌ر لاپه‌ڕه‌یه‌كی به‌لای كه‌م پێویستیی به‌ دوو كه‌سه‌. پیامنیر

Writing at: دوشنبه 03 بهمن 1390Time:16:26 By: awenakurd| |

عاشقی بێ‌دڵ ده‌ناڵێ، مه‌یلی گریانی هه‌یه‌

بێ‌شکه‌ هه‌وره‌ تریشقه‌ تاوی بارانی هه‌یه‌

چاوی من ده‌م‌ده‌م ده‌رێژێ ئاوی ساف و خوێنی گه‌ش

دا بڵێن ده‌ریای عومانه‌ دوڕ و مه‌رجانی هه‌یه‌

په‌رچه‌می ڕوو داده‌پۆشێ، پێچی زوڵفی پێچه‌یه‌

دا به‌ ڕۆژیش پێی بڵێن شه‌معی شه‌بوستانی هه‌یه‌

ئاسمانی حوسنی مه‌حبووبه‌م له‌ ئه‌برۆ و زوڵف و ڕوو

دوو هیلال و دوو شه‌و و دوو ماهی تابانی هه‌یه‌

هه‌ر له‌بت، یا سینه‌شت هه‌ر دوو به‌ده‌رخه‌، دابڵێن:

له‌علی ڕوومانی هه‌یه‌، یا له‌عل و ڕوممانی هه‌یه‌

وه‌حشیه‌ لێمان له‌به‌ر ته‌عنه‌ی ڕه‌قیبی سه‌گ سیفه‌ت

ڕاسته‌ هه‌ر زی‌ڕۆحێ بۆ وه‌سواسه‌ شه‌یتانی هه‌یه‌

دڵ موشه‌ببه‌ک بوو له‌ به‌ر ئێشانی نیشانی موژه‌ت،

حه‌یفه‌ قوربان! ئاخر ئه‌م نیشانه‌یه‌ شانی هه‌یه‌

له‌حزه‌یێک و له‌محه‌یێک چاوم به‌ چاوی ناکه‌وێ

کێ ده‌ڵێ وه‌حشی غه‌زاله‌ مه‌یلی ئینسانی هه‌یه‌

تۆ ئه‌گه‌ر هه‌ستی، له‌ جێ ڕاوه‌ستی دێو و کافریش

دێن ده‌ڵێن: به‌خودا قیامه‌ت ڕاسته‌ هه‌ستانی هه‌یه‌

فارس و کورد و عه‌ره‌ب هه‌ر سێم به‌ ده‌فته‌ر گرتووه‌

«نالی» ئه‌مڕۆ حاکمی سێ موڵکه‌ دیوانی هه‌یه‌

Writing at: دوشنبه 03 بهمن 1390Time:16:25 By: awenakurd| |

لــــــــه‌ دڵدا ئاته‌شى عيشقت بلێسه‌ى ميسلى ته‌ندوره‌

لــــــــه‌ دڵدا ئاته‌شى عيشقت بلێسه‌ى ميسلى ته‌ندوره‌
شـه‌تى ئه‌شكم نه‌بێ مانيــع، ده‌سوتێم ده‌بمه‌ كۆى نووره‌

به‌ نـارى عيشق و ئاوى دڵ, جه‌سه‌د وه‌ك حه‌زره‌تى موسا
ته‌ريقی: به‌حــــــــرى فيرعه‌ون و, ڕه‌فيقى ئاته‌شى تووره‌

ده‌چـێ بۆ لاى رِه‌قيب خۆشه‌, وه‌لێ ئه‌و داخــه‌ كوشتومى
له‌ كـن ئه‌و چه‌نده‌ مه‌جبوره‌, لــــه ‌لاى من چه‌نده‌ مه‌غروره‌

په‌یامت هــــات و په‌یكت ڕۆى, خـــــــه‌ياڵم ناردوو نه‌یگه‌یێ
رِه‌سوڵم كـــــــــــه‌وته‌ رِێ، گرتی، هێناى وه‌ك ئاگره‌ سوره‌

كه‌ ديتـــم شكلى سه‌د ڕه‌نگــــی, گوتم: بابايى عـــه‌ییاره‌
كه‌ بيستم له‌فزى بێده‌نگی, گـــــــوتم: شه‌یپوری شاپووره‌

گـوتم:راستى سه‌بـــا هه‌ڵسه‌، گوتی: مه‌شره‌ب موخالیفه‌
گــــــوتم: نارێ، گــــــــــــوتى: بایه‌، ئه‌وجێ، گوتی: دووره‌

گـــوتم: قوربانى تۆ من بم، گــوتی: قوربانى تــۆ سه‌گ بێ
گـوتم: شيشه‌ى دڵـــم ناتوێ، گـوتی: بۆ چیمه‌، مه‌كسوره‌

خــه‌راباتى دڵــــــى (( نالــــى )) مه‌ فه‌رموو: خاڵیه‌، نـايـه‌م
بـه‌ مه‌رگی تۆ قه‌سه‌م، چــاوم! به‌ زيكرت به‌يتى مه‌عمووره‌

(1)
واته‌: دووشتم تیا کۆبوونه‌ته‌وه‌ که‌ دژی یه‌کن و پێکه‌وه‌ ناگونجێن، به‌هۆی به‌ربه‌ره‌کانێی یه‌کتری کردنی ئه‌ودوانه‌وه‌ ماوم، ئه‌گه‌ر ته‌نها یه‌کێکیانم تیادا بوایه‌ ئێستا فه‌وتابووم. ئه‌ودووانه‌ یه‌کێکیان ئاگری عه‌شقه‌که‌ته‌ که‌ ته‌نوورێکی له‌ دڵما ناوه‌ته‌وه‌ و ئه‌ویشیان ده‌ردی دووریته‌ که‌ هه‌میشه‌ به‌هۆیه‌وه‌ ئه‌گریم. ئه‌گه‌ر ئه‌مه‌ی دووه‌هه‌میان نه‌بوایه‌ که‌ که‌مێک تینی ئه‌ویان دا ئه‌مرێنێته‌وه‌، ئه‌سووتام وئه‌بوومه‌ کۆی نووره‌...

(2)
واته:‌به‌م ئاگری عه‌شقه‌ و به‌م ئاوی چاوه‌ که‌ له‌قووڵایی دڵمه‌وه‌ هه‌ڵئه‌قوڵێ، لاشه‌م وه‌ک حه‌زره‌تی موسای لێ هاتووه‌، ئه‌بێ به‌سه‌ر جۆگای فرمێسکی خۆیا بپه‌ڕێته‌وه‌ که‌ وه‌ک به‌حره‌که‌ی فیرعه‌ون وایه‌ و، له‌گه‌ڵ ئاگری ده‌روونیا بگه‌رێ که‌وه‌ک ئاگره‌که‌که‌ی کێوی توور وایه‌.
(3)
واته‌:قه‌د ناکا ، ناخۆش نییه‌ یار ئه‌چێ بۆلای به‌دکار و سه‌ری لێ ئه‌دا، ئاره‌زووی خۆیه‌تی. به‌ڵام من داخی ئه‌وه‌ کوشتوومی که‌وا چه‌ند لای ئه‌و ناچار و مه‌جبوور و مل که‌چه‌ و وه‌ک بڵێی ئه‌م موحتاجی ئه‌و بێ،که‌چی ئه‌گه‌ر جارێک بێته‌ لای من، ئه‌وه‌نده ‌له‌خۆی باییه‌ و فیزم به‌سه‌ردا ئه‌کا!
(4)
هه‌واڵت هات که‌ چوویته‌ لای به‌دکار یا به‌دکار هاتووه‌ته‌ لای تۆ و، فروستاده‌که‌ت که‌ به‌دکار خۆی بوو که‌ هه‌واڵه‌که‌ی پێگه‌یاندم، گورج وه‌ک جنۆکه‌ ڕای کرد. منیش خه‌یاڵم نارد به‌دوایا، واته‌ که‌وتمه‌ بیرکردنه‌وه‌ له‌مه‌ چۆن وا تۆ ڕێگای ئه‌و ئه‌ده‌ی بتبینێ، به‌ڵام خه‌یاڵ کول بوو، نه‌گه‌یشت به‌وه‌ له‌ ڕازی ئه‌م ڕوداوه‌ بگا. ناچار بووم هه‌ناسه‌ی گه‌رم و ئاگراوی و به‌ سۆزی خۆم به‌دوادا هه‌ڵکێشا، ئاهی هه‌ناسه‌که‌م ئه‌وه‌نده‌ تووند و تیژ بوو هێنای.
(5)
واته‌: که‌شێوه‌ی سه‌د ره‌نگیم دی، وتم ئه‌مه‌ بابای عه‌یاره (که‌ وه‌ک له‌ ئه‌فسانه‌دا ئه‌یگێرنه‌وه‌ کابرایه‌ک بووه‌ له‌ده‌سته‌ و دائیره‌ی ئه‌سکه‌نده‌ری مه‌کدوونیدا، ئاره‌زووی له ‌کێ بووبێ بچێته‌ شێوه‌یه‌وه‌، چووه‌ته‌ شێوه‌یه‌وه‌)،چۆن ئاره‌زوو بکا وا خۆی ئه‌گۆرێ، بۆیه‌ش توانیویه‌تی جێی خۆی له‌دڵی یاردا بکاته‌وه‌. که‌دیتیشم ده‌م ئه‌جووڵێنێته‌وه‌ و هیچیش ناڵێ، وتم ببێ و نه‌بی ئه‌مه‌ که‌ڕه‌ناکه‌ی شاپووره‌(شه‌یپوور:ئاله‌تێکی مۆسیقایه‌ فووی پیا ئه‌کرێ).
(6)
واته‌: به‌به‌تکارم وت به‌م (به‌یانی)یه‌ (راست) به‌ له‌گه‌ڵم ، وتی: ئاره‌زووم (موخالیف)ی ئه‌وه‌یه له‌گه‌ڵت‌ راست بم‌. وتم: که‌واته‌(ئاگر)ی باسی په‌یوه‌ندی خۆت و یار بنێ به‌جه‌رگمه‌وه‌، وتی: (با)یه ‌و ئاگره‌که‌ به‌هه‌موو لایه‌کا بلاو ئه‌کا. وتم: که‌واته دوور که‌وه‌‌ره‌وه‌ له‌یار بامن بگه‌مه‌ (ئه‌وج)ی به‌خته‌وه‌ری، وتی: ئه‌وه‌ش (دوور)ه‌... یاخوود که‌دیم به‌دکار وه‌ک شه‌یپووری شاپوور وایه‌. وتم: مه‌قامێکی (راست) و ( سه‌با)م بۆ لێده‌، وتی: ئاره‌زووم له‌ مه‌قامی (موخالیف)ه‌. وتم: مه‌قامی (ئاته‌ش)م بۆلێده، وتی‌: ئێستا کاتی مه‌قامی (باد)ه‌ و (باد) و (ئاته‌ش)یش ناکه‌ونه‌یه‌ک. وتم: مه‌قامی (ئه‌ج)م بۆلێده‌. وتی:مه‌قامی( ئه‌وج) مه‌قامێکی دووره‌ و نایگه‌یتێ.
(ئه‌م دێره‌ به‌ دوو واتا لێکدراوه‌ته‌وه‌)
(7)
واته‌: به‌یارم وت: به‌قوربانت بم، که‌چی ئه‌وه‌نده‌ دڵ ره‌ق بوو، دڵی شکاندم و له‌وه‌ڵاما وتی: سه‌گ به‌قوربانت بێ... له‌گه‌ڵ ئه‌وه‌شدا هه‌ر ده‌ستبه‌رداری نه‌بووم و پێشنیارم کرد که‌ شووشه‌ی دڵمی بده‌مێ، بچێته‌ ناوی و رازی بێ به‌ خۆشه‌ویستی له‌ دڵما جێ گیر ببێ، به‌ڵام قایل نه‌بوو، وتی: تۆ دڵت شکاوه‌ و منیش ناچمه‌ ناو دڵی شکاوه‌وه‌.
(8)
واته‌: چاوه‌که‌م! پێم مه‌فه‌رموو دڵت شکاو و وێرانه‌یه‌ و خاڵیه‌ نایه‌م تیا دانیشم، به‌مه‌رگی تۆ قه‌سه‌م به‌ یادی تۆ ئاوه‌دانه‌ هه‌رگیز یادی تۆی لێ نابڕێ. ئیتر چۆن ئه‌توانی به‌ وێرانه‌ی ناوببه‌ی.

Writing at: دوشنبه 03 بهمن 1390Time:16:24 By: awenakurd| |

عاشقی بێ‌دڵ ده‌ناڵێ، مه‌یلی گریانی هه‌یه‌

عاشقی بێ‌دڵ ده‌ناڵێ، مه‌یلی گریانی هه‌یه‌
بێ‌شکه‌ هه‌وره‌ تریشقه‌ تاوی بارانی هه‌یه‌

چاوی من ده‌م‌ده‌م ده‌رێژێ ئاوی ساف و خوێنی گه‌ش
دا بڵێن ده‌ریای عومانه‌ دوڕڕ و مه‌رجانی هه‌یه‌

په‌رچه‌می ڕوو داده‌پۆشێ، پێچی زوڵفی پێچه‌یه‌
دا به‌ ڕۆژیش پێی بڵێن شه‌معی شه‌بوستانی هه‌یه‌

ئاسمانی حوسنی مه‌حبووبه‌م له‌ ئه‌برۆ و زوڵف و ڕوو
دوو هیلال و دوو شه‌و و دوو ماهی تابانی هه‌یه‌

هه‌ر له‌بت، یا سینه‌شت هه‌ر دوو به‌ده‌رخه‌، دابڵێن:
له‌علی ڕوممانی هه‌یه‌، یا له‌عل و ڕوممانی هه‌یه‌

وه‌حشیه‌ لێمان له‌به‌ر ته‌عنه‌ی ڕه‌قیبی سه‌گ سیفه‌ت
ڕاسته‌ هه‌ر زیی‌ڕۆحێ بۆ وه‌سواسه‌ شه‌یتانی هه‌یه‌

دڵ موشه‌ببه‌ک بوو له‌ به‌ر ئێشانی نیشانی موژه‌ت
حه‌یفه‌ قوربان! ئاخر ئه‌م نیشانه‌یه‌ شانی هه‌یه‌

له‌حزه‌یێک و له‌محه‌یێک چاوم به‌ چاوی ناکه‌وێ
کێ ده‌ڵێ وه‌حشی غه‌زاله‌ مه‌یلی ئینسانی هه‌یه‌

تۆ ئه‌گه‌ر هه‌ستی، له‌ جێ ڕاوه‌ستی دێو و کافریش
دێن ده‌ڵێن: به‌ خودا قیامه‌ت ڕاسته‌ هه‌ستانی هه‌یه‌

فارس و کورد و عه‌ره‌ب هه‌ر سێم به‌ ده‌فته‌ر گرتووه‌
«نالی» ئه‌مڕۆ حاکمی سێ موڵکه‌ دیوانی هه‌یه‌!

(ترجمه فارسی)

عاشق بی‌دل می‌نالد میل به گریه دارد
بدون تردید آذرخش خبر از باران می‌دهد

چشم من دم به دم می‌ریزد آب صاف و خون سُرخ
تا که گویند دریای عمان است و دُر و مرجان دارد

زلفش رخسارش را می‌پوشاند، پیچ زلفش چون نقاب است
تا که گویند در روز نیز شمع محفلی دارد

آسمان حُسن محبوبم از ابرو و زلف و رخسار
دو هلال و دو شب و دو ماه تابان دارد

فقط لبت را، و یا سینه‌ات را نیز، نشان ده تا که گویند:
لعل اناری دارد، و یا لعل و انار دارد

از ترس طعنه زدن‌های رقیبان از دستمان وحشی‌ست
درست است که هر ذی‌الروحی برای وسوسه شیطانی دارد

دل مشبک گشت از نشانهای تیر مژگانت
حیف است قربان! آخر این دل شأنی دارد

لحظه‌ای و آنی چشمم بر چشمانش نمی‌افتد
آهوی وحشی از کجا معلوم که علاقه‌ای به دیدن بنی آدم داشته باشد
تو اگر برخیزی دیو و کافر نیز
خواهند گفت: به خدا قیامت راست است و رستاخیزی وجود خواهد داشت

فارس و کورد و عرب را در دفترم گرفته‌ام
«نالی» امروز حاکم سه مملکت است، دیوان دارد!

نالی

Writing at: دوشنبه 03 بهمن 1390Time:16:24 By: awenakurd| |

چرای زووڵمه‌تکه‌ده

چرای زووڵمه‌تکه‌ده

ئه‌ی چرای زوڵمه‌تکه‌ده‌ی دڵ،ئه‌ی جه‌لای نووری به سه‌ر

تۆ و جه‌ماڵی با که‌ماڵت،ئافتابی یا قه‌مه‌ر?
...
شه‌و ئه‌گه‌ر تۆ ماهتابی،ئینتیزاری تا به که‌ی?

رۆژ ئه‌گه‌ر تۆ ئافتابی،بۆچ له هه‌وران نایه ده‌ر?

ئاب و تابی رووته مایه‌ی سۆزش وگریانی من

گا غه‌ریق و گا حه‌ریقی میهری رووت وه‌ک نیلوفه‌ر

ئاوی چاوم بۆته مایه‌ی سۆزش و گریانی دڵ

گا نه‌خۆش و مه‌ست و حه‌یران،گا به هۆش و باخه‌به‌ر

وا فیگار و ره‌نجه‌رۆم کافر به حاڵی من نه‌بێت

بێ قه‌رار و ئه‌شکبار ودوور له یار و ده‌ر به‌ده‌ر

""مــــــــــه حـــــــوى""

Writing at: دوشنبه 03 بهمن 1390Time:16:22 By: awenakurd| |

ئه‌وی دڵدار و دلبه‌رمه‌، ئه‌وا ده‌ڕوا له‌به‌ر چاوم

ئه‌وی دڵدار و دلبه‌رمه‌، ئه‌وا ده‌ڕوا له‌به‌ر چاوم

به‌ دوویا، بۆچی دڵ نه‌توێته‌وه‌ و نه‌ڕوا له‌به‌ر چاوم؟

وه‌کو گوڵ، هه‌موو ده‌مه‌، ده‌ره‌وه‌م سه‌ربه‌سه‌ر زوبان

وه‌ک خونچه‌یه‌ ده‌روونی دڵی گوڵ له‌سه‌ر زوبان

که‌بێ لێوی له‌سه‌ر لێوم بنێ، رۆحم له‌سه‌ر لێوه‌

که‌ لێوی لابه‌رێ، ئه‌ڵبه‌ته‌ رۆحم ده‌رده‌چێ پێوه‌

بڵێ به‌ئه‌هلی حه‌سه‌د مه‌حویا، وه‌کو حافظ

قبول خاطر و لطف سخن، خدا دادست

Writing at: دوشنبه 03 بهمن 1390Time:16:22 By: awenakurd| |

که‌بێ لێوی له‌سه‌ر لێومبنێ،ڕۆحم له‌سه‌رلێوه‌

که‌بێ لێوی له‌سه‌ر لێومبنێ،ڕۆحم له‌سه‌رلێوه‌
که‌لێوی لابه‌رێ،ئه‌ڵبه‌ته‌ڕۆحم ده‌رده‌رده‌چێ پێوه‌
شه‌که‌رباری ،نمه‌ک پاشی،ئه‌گه‌ر ببوایه‌منده‌موت
که‌غونچه‌ی تازه‌پشکوتوده‌شوبهێ به‌وده‌مولێوه‌
ده‌ڵێ هه رکه‌س ببینێ یارو، ئه‌غیاری به‌ئه‌طرافا
... خوداچین ئه‌م هه مودێوه‌ له‌ده‌وری ئه‌م په‌ری شێوه‌
هه تاڕۆژه‌ ده‌بێ بۆشامی شه‌وهه وڵێ بداهه رکه‌س
ئه‌گه‌رشاهه نشه‌هه ئه‌وڕوژه‌ ڕۆیی شه‌وبه‌بێ شێوه‌
به‌هارێ بوجوانی،بوبوسوخره‌ی پایزی پیری
به‌سه‌ر چوباغ وباقی ماوه‌وه‌ی مشتێ چڵوچێوه‌
مه‌گه‌ر شاری عه‌ده‌م جێی واتیاسه‌رگه‌شته‌بم قاته‌
بیابانه‌به‌شی مه‌جنونه‌خاصی کۆهکه‌ن کێوه‌

ئه‌مینی شێتیه‌ (مه‌حوی)له‌نه‌فسی مه‌کری ئه‌مماره‌

مه‌گه‌ر ڕه‌ حمی خوداده‌م به‌ستی کائه‌م ماره‌ ئه‌نگیوه

مه‌حوی

Writing at: دوشنبه 03 بهمن 1390Time:16:21 By: awenakurd| |

شەوكەسێ‌ پرسی لەخۆ دەرخستی پەروانەشەو

شەوكەسێ‌ پرسی لەخۆ دەرخستی پەروانەشەو
ئەو وتی:ناتیگەیشتوو!تەجرە بەی مەردانەشەو
هەرسیابەختانی عیشقە مەزهەری نووری هودان
شەونەبێ‌ ئەستیرەمەستوورن، بەكەم مەروانەشەو
ئەم سیارۆزی منەپۆشیویە عەیبی كەسان
ئاشكارەسەتری ئەحوالی گونەهكارانەشەو
بۆیەزولمەت پۆشە،نووری ئەهلی جەوهەردەركەوێ‌
سەیری حەققی كەن لەسەر ئەم ماه وئەستیرانەشەو
نەبووە،نابینی لەشەومەحرەم ترێ‌ تارۆزی حەشر
پەردەپۆشه،هەمدەمه،هەمدەردی عوششاقانەشەو
شەو،هەمووشەوچاوەرییەرۆژ هەلێ‌،هەر رۆژهەلات
مەحوەسەرتاپالەبەرپییافیدا كارنەشەو
خۆرپەرستینه!لەشەوفیری پەرستن بن،كەخۆر
هەردیاری دا،بەدەوری سەریەدا قوربانەشەو
فیرقەتی رۆژەدەروونی كردە داغیكی سیا
وەك منی سەودازەدەئاتەش زەدەی هیجرانەشەو
گەرفیراق ئاگرهەموو رۆژێ‌ لەجەرگی بەرنەدا
بۆهەمووشەوتیرەدل،سینەی زوخالستانەشەو!
تیرەگی وافەزلی بۆنادەم بەسەر رووناكییا
مەنشەئی ئیزهاری جیلوەی فەیزی سبحەینانەشەو
هەرلەتاریكی شەوایەرێدرئ ئەهلی نیاز
رازی دل ئیفشابكەن،خەلوەت گەهی خاسانەشەو
تێ‌ بگەن بۆجی بەجانن طالیبی شەوعاشقان
نیوەشەوبوو،وەعدەگاهی هاتنی جانانەشەو
هیندەساحیب سیررە،(میعراج)وشەوی(قەدر)و(بەرات)
خاسەجاتی ئەون ومومتازەبەم ئەسرارانەشەو
هەركەسئ طالیب بەدورری مەعریفەت كۆكردنه
پرلەدوردەریایەكی بێ‌ مەهلەكەی خنكانەشەو
وەك خظرئاوی حەیاتی فەیزی حەق عافیتیه
ئەوخوداپیداوه(محوی)تاسەحەر نالانەشەو

مه‌حوی

Writing at: دوشنبه 03 بهمن 1390Time:16:20 By: awenakurd| |

شه‌ماڵ ئه‌وده‌م که‌ عه‌تری بسکی تۆی‌ بێ

وه‌رگێرانی مامۆستا ناسر حیسامی

شه‌ماڵ ئه‌وده‌م که‌ عه‌تری بسکی تۆی‌ بێ
له‌ سونبول خۆشتره‌ بۆنی که‌ ده‌ڕژێ
که‌ شه‌و ده‌گرم خه‌یاڵی تۆ له‌ ئامێز
به‌یانی بۆنی گوڵ له‌و جێگه‌یه‌م دێ

ئه‌وا شه‌و هاته‌وه‌ گیانم بسووتێ
گریبان تا به‌ دامانم بسووتێ
له‌ سه‌ر کفری که‌زیی تۆ ئه‌ی په‌ریڕوو
ده‌ترسم من که‌ ئیمانم بسووتێ

که‌ دڵ ده‌گری، ده‌ڵێی ناڵه‌ی له‌ نه‌ی دێ
به‌ دایم ده‌ردی هیجرانم له‌ په‌ی دێ،
به‌شم سووتانه‌ تا ڕۆژی قیامه‌ت
بڵێی خوایه‌ قیامه‌ت تاکوو که‌ی بێ؟

گڕی عیشقت له‌ گیانم سه‌ر ده‌رێنێ
له‌ جه‌سته‌م خۆڵه‌مێشێ جێ ده‌مێنێ
نه‌مامی میهری تۆ ببڕن له‌ جه‌رگم
له‌سه‌د لاوه‌ په‌لی تازه‌ ده‌هێنێ

بابا تایه‌ری هه‌مه‌دانی

Writing at: دوشنبه 03 بهمن 1390Time:16:19 By: awenakurd| |

صفحه قبل 1...23 242526 27 ...44 صفحه بعد