::✻ღϠ₡ღ AWENA ღϠ₡ღ✻::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

بڵاوکرانه‌وه‌ی سه‌رله‌نوێی به‌رهه‌مه‌کانی"ئیبراهیم یوونسی"

"ئازاد یونسی" کوڕی"ئیبراهیم یونسی" ، نووسه‌ر و وه‌رگێڕی کۆچکردووی کورد ، باسی بڵاوکردنه‌وه‌ی چه‌ند به‌رهه‌مێکی باوکی کرد .

به‌پێی هه‌واڵی"کوردپرێس" ، ئازاد یونسی وتی: ڕێوڕه‌سمی چله‌ی خوالێخۆشبوو"ئیبراهیم یونسی" له‌ ڕۆژی16ی مارس له‌ شاری"بانه‌" به‌ڕێوه‌ ده‌چێت .

ناوه‌ندی بڵاوکردنه‌وه‌ی"نیگاه‌" له‌ ئێران ، هه‌وڵیه‌تی به‌رهه‌مه‌کانی مامۆستا یونسی بۆ به‌شداری له‌ پێشانگه‌ی نێونه‌ته‌وه‌یی کتێبی تاران ، سه‌رله‌نوێ له‌چاپ بداته‌وه‌ .

له‌م ئاراسته‌دا ، ئازاد یونسی ئاماژه‌ی کرده‌‌ بڵاوکردنه‌وه‌ی دوو به‌رهه‌می بڵاونه‌کراوه‌ی باوکی و ڕاشیگه‌یاند: پڕۆژه‌ی بڵاوکردنه‌وه‌ی ئه‌م دوو به‌رهه‌مه‌ ئێستا له‌ قۆناخی ئیداری دایه‌و به‌م زووانه‌ ده‌گاته‌ ده‌ستی هۆگرانی به‌رهه‌مه‌کانی خوالێخۆشبوو ئیبراهیم یونسی .

radio sorani

https://awenakurd.loxblog.com/بڵاوکرانهوهی-سهرلهنوی-بهرههمهکانیئیبراهیم-یوونسی%0A From: https://awenakurd.loxblog.com/">

Writing at:

Time: By: محمد پیش بینی| |

سەركەوتنی دوو هونەرمەندی كوردستانی لە نۆیەمین جەژنی وێنەی ساڵی ئێران

"ئیرەج كاكی" بەرپرسی پێوەندی گشتیی بنكەی هونەری ستانی كوردستان وێڕای ڕاگەیاندنی ئەم هەواڵە وتی:

فیلمی "هەنار میوەی بەهەشتە" لە كۆڕەجێژنە نێوخۆیی و نێودەوڵەتییەكانی جۆراوجۆر بەشدار بوو و توانی خەڵاتی جۆربەجۆر لەم كۆڕەجێژنە بگرێت .بۆنموونە دەكرێت ئاماژە بكەینە كۆڕەجێژنی ڕانیەی ئێراق، كۆڕەجێژنی سلێمانی ئێراق، كۆڕەجێژنی چاوی سێیەمی هیند، كۆڕە جێژنی كۆساڵان و" محەممەد سامان سۆلی" یش هونەرمەندی كاریكاتێریستی ئەم ستانەیە كە تائێستا لە كۆڕەجێژنی جۆراوجۆری ناوخۆیی و دەرەوەیی لەبەشی كاریكاتێر پلەی دەست كەوتووە.

radio sorani

"تەیموور قادری" دەرهێنەری فیلمی چیرۆكیی " هەنار میوەی بەهەشتە" بەرهەمی بنكەی هونەری ستانی كوردستان و " محەممەد سامان سۆلی" كاریكاتێریستی بنكەی هونەریی كوردستان لە كۆتایی نۆیەمین جەژنی وێنەی ساڵی ئێران وەك سەركەوتوانی كۆڕەجێژنەكە دیاری كران.

Writing at:

Time: By: محمد پیش بینی| |

"هایا" هاته‌‌ ڕیزی گۆڤار و بڵاوڤۆکه‌کانی کوردستان

گۆڤاری "هایا" که‌ وه‌رزنامه‌یه‌کی فه‌رهه‌نگی، فێرکاری و توێژینه‌وه‌ییه‌، دواڕۆژانی ڕه‌شه‌ممه‌ی ئه‌مساڵ هاته‌ بازاڕه‌وه‌.

به‌ پێی ڕاپۆرتی هه‌واڵده‌ریی کوردپرێس، له‌ ژماره‌ی یه‌که‌می ئه‌م گۆڤاره‌دا ، بابه‌تگه‌لێک له‌ "جه‌لال مه‌له‌کشا"، "عه‌تا نه‌هایی"، دوکتۆر "ئومید وه‌رزه‌نده‌"، "محه‌ممه‌د ساڵح سوزه‌نی"، "ڕه‌زا عه‌لی پوور"، "به‌یان عه‌زیزی"، "عادڵ قادری"، ناسر وه‌حیدی"، "عه‌بدولعه‌زیز مه‌ولوودی، دوکتۆر "مونسوور ساعی"، "محه‌ممه‌د ڕه‌مه‌زانی"، "ئه‌مین گه‌ردیگلانی" و "ئیبراهیم عه‌بدوڵڵا زاده‌" ده‌بیندرێت.

له‌ یه‌که‌م ژماره‌ی ئه‌م وه‌رزنامه‌یه‌دا که‌ پێشکه‌ش کراوه‌ به‌ خوالێخۆشبوو ئیبراهیم یونسی، بۆ یه‌که‌م جار وه‌رگیڕدراوی کوردیی به‌شيی یه‌که‌می ڕۆمانی ئولیت له‌ 35 لاپه‌ڕه‌دا بڵاو بۆته‌وه‌.

بابه‌ته‌کانی ئه‌م گۆڤاره‌ به‌ گشتی، ڕاپۆرت، وتار، ڕه‌خنه‌، چیرۆک و وتووێژ ده‌گرێته‌وه‌ که‌ شیعرێکیش به‌ یادی دوکتۆر یونسی، تایبه‌تمه‌ندییه‌کانی زمان و وه‌رگێران، وتارێک سه‌باره‌ت به‌ گۆڤاره‌ خۆجێیه‌کان، ڕه‌خنه‌ی ئه‌ده‌بی له‌ نووسینی دوکتۆر "ناسر فه‌کوهی" سه‌باره‌ت به‌ شوناس و نه‌ته‌وه‌ له‌و بابه‌تانه‌ دێنه‌ ئه‌ژمار.

به‌ڕێوه‌به‌ری گۆڤاری "هایا" "ئازاد مه‌حموودی" و ئه‌نجومه‌نی نووسه‌رانیشی "مه‌هدی خون دڵ"، "ئیبراهیم محه‌ممه‌د حسێنی"، "حامد کۆنه‌پۆشی" "ئه‌نوه‌ر ڕۆشه‌ن" و "ڕه‌ئوف جیهانی"ن.

نووسینگه‌ی ئه‌م گۆڤاره‌ له‌ مه‌ریواندایه‌.

"هایا" دووه‌مین گۆڤاری شاری مه‌ریوان دێته‌ ئه‌ژمار.

وه‌رزنامه‌ی دیکه‌ی ئه‌م شاره‌ "زرێبار"ه‌ به‌ به‌ڕێوه‌به‌رایه‌تی "عادڵ محه‌ممه‌د پوور".

"هایا" به‌ تیراژی 2000 به‌رگ و به‌ نرخی 2000 تمه‌ن بڵاو بۆته‌وه‌.

radio sorani

https://awenakurd.loxblog.com/هایا-هاته-ڕیزی-گۆڤار-و-بڵاوڤۆکهکانی-کوردستان%0A From: https://awenakurd.loxblog.com/">

Writing at:

Time: By: محمد پیش بینی| |

وینه

Writing at:

Time: By: محمد پیش بینی| |

كوێستانی قه‌ندیل

خه‌ڵاتی باشترین فیلمی بڵندی سینه‌مایی فستیڤاڵی نێوده‌وڵه‌تی دیجیتاڵی هێندستان، به‌خشرایه‌ فیلمی" كوێستانی قه‌ندیل"

فیلمی سینه‌مایی "كوێستانی قه‌ندیل" له‌ دوانزه‌همین به‌شداری خۆیدا له‌ فستیڤاڵه‌ نێوده‌وڵه‌تیه‌كان ، له‌ به‌شی كێبه‌ركێی فستیڤاڵی نێوده‌وڵه‌تی فیلمی دیجیتاڵی هێندستان خه‌ڵاتی باشترین فیلمی وه‌رگرت.

له‌م فستیڤاڵه‌دا، سه‌دوسی فیلم له‌ 55 ووڵاتی دونیا و له‌ چه‌ند به‌شی جیاوازدا نمایش كران .

فیلمی كوێستانی قه‌ندیل، له‌ ده‌رهێنانی ته‌ها كه‌ریمی و به‌رهه‌می وه‌زاره‌تی رۆشنبیری حكومه‌تی هه‌رێمی كوردستان-به‌رێوه‌به‌رایه‌تی سینه‌مای سلێمانی ،باسی چوارنه‌ته‌وه‌ی كورد و تورك و عه‌ره‌ب و فارس ده‌كات كه‌ به‌ درێژایی ده‌یان ساڵ له‌ كوێستانی قه‌ندیل به‌ر یه‌ك ده‌كه‌ون. به‌ چوار زمان قسه‌ ئه‌كه‌ن و به‌ یه‌ك زمان ئه‌گرین و ره‌نج ئه‌بینن،وه‌كیه‌ك هیلاكن،وه‌ك یه‌ك ماندوون و ... به‌ یه‌ك زمان فرمێسك ئه‌رێژن!

شانۆكاری ناسراوی كورد، دكتۆر قوتبه‌دین سادقی،سترانبێژی باكووری كوردستان جومه‌رد قاره‌مان و گۆرانیبێژ عه‌ینه‌دین مه‌ریوانی،شێوه‌كاری عه‌ره‌ب خاتوو له‌میاحسێن و ئه‌كته‌ری میوان كامه‌ران ره‌ووف ،كه‌مال جه‌لال قادر و چه‌ندین ئه‌كته‌ری

Writing at:

Time: By: محمد پیش بینی| |

نامە ای به خدا/ شیرکو بیکس،هەڵەبجە/شێرکۆ بێکەس

نامە ای به خدا/ شیرکو بیکس

پس از مرگ حلبچه

شكایت‌نامه‌ای بلند به خدا نوشتم

قبل از هر كسی

پیش درختی خواندمش

درخت گریست!

در كنار او پرنده‌ای پستچی

گفت:

اما چه كسی نامه‌ات را می‌رساند؟

روی من حساب نكن

من به عرش خدا نمی‌رسم!

شباهنگام

فرشته‌ی سیه‌پوشِ شعرم

گفت: غم مخور

من می‌برمش تا كهكشان

اما قول نمی‌دهماو تحویلش بگیرد

تو خود می‌دانی

كه خداوند بزرگ را

چه كس می‌بیند؟

گفتم: سپاسگزارم … پرواز كن!

فرشته‌ی الهام

شكایت‌نامه را با خود برد و پرید…

فردا كه بازگشت

مسئول درجه چهارِ دفترِ خدا

«عبید» نامی

زیر همان شكایت‌نامه

با زبان عربی نوشته بود:

اَبله!

به عربی ترجمه‌اش كن

اینجا كسی كُردی نمی‌فهمد و

به خدایش نمی‌رسانیم!

نامە ای به خدا/ شیرکو بیکس

شێرکۆ بێکەس
لە دوای خنکانی هەڵەبجە
سکاڵایێکی درێژم نووسی بۆ خوا
بەر لە خەڵکی
بۆ درەختێکم خوێنەوە
درەخت گریا
لە پەناوە،
باڵندەیێکی پۆستەچی
وتی: «باشە کێ بۆت ئەبا؟
گەر بە تەمای منی بیبەم،
من ناگەمە عەرشی خودا»
بۆ شەو درەنگ
فریشتەی ڕەشپۆشی شێعرم
وتی: «تۆ هیچ خەمت نەبێ؛
من بۆت ئەبەم هەتا سەرێ،
تا کەشکەڵان
بەڵام بەڵێنت نایەمێ خۆی نامەکەم لێ وەر گرێ؛
خۆ دەیزانی، خودای گەورە کێ ئەیبینێ؟»
وتم: «سوپاس، تۆ هەڵفڕە»
فریشتەی ئیلهام،
هەڵفڕیو
لە گەڵ خۆیا سکاڵای برد
ڕۆژی دوایی کە هاتەوە،
سکرتێری پلە چواری نووسینگەی خوا
«عوبێد» ناوێ
هەر لە سەر هەمان سکاڵاو لە دامێنا
بە عەرەبی بۆی نووسیبووم
«گەوجە!
بیکە بە عەرەبی
کەس لێرە کوردی نازانێ و
نایبەین بۆ خوا!

Writing at:

Time: By: محمد پیش بینی| |

نه‌ورۆز

به‌ به‌رگی سه‌وزه‌ ڕازاوه‌ قه‌د و لاپاڵ و شیو و دۆڵ
چڕۆی ده‌رکرده‌وه‌ دار و، ملی دا یه‌کتری گیا و گوڵ
به‌سه‌ر به‌فری که‌وی داکرد شه‌ماڵی خاکه‌لێوه،‌ خۆڵ
ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌
به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

چله‌ی زستانی ناخۆش بوو، ته‌زووی سه‌رمایه‌ پیاوی سڕ
ده‌کرد و، کوچه‌ و کۆڵان له‌ به‌فر و لیته‌ بووبوون پڕ
به‌هار هات و ده‌خه‌مڵێ کێو و ده‌شت و به‌نده‌ن و لاخڕ
ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌
به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

به‌ سۆزی بای به‌یان لێوی کراوه‌ خونچه‌یی خه‌ندان
له‌سه‌ر چڵ بولبولی شه‌یدا له‌ خۆشی گوڵ ده‌ڵێ به‌ندان
به‌جێ هات ئاره‌زووی لاوان و گه‌رمه‌ کۆڕی گۆڤه‌ندان
ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌
به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

له‌خۆی داوه‌ به‌ره‌ڵبێنه‌ کچی کابانی گه‌ردن کێل
به‌ ناز و غه‌مزه‌ ده‌ڕوانێ، ده‌کا شینکه‌ی نه‌رم پێشێل
له‌گه‌ڵ بۆنی وه‌نه‌وشه‌ تێکه‌ڵاون بۆنی عه‌تر و هێل
ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌
به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

سه‌ری کوێستانی به‌رزی کورده‌واری تێی نه‌که‌وتوون خاڵ
له‌ ده‌شت و به‌ر په‌ساران هه‌ڵدراون چادر و ڕه‌شماڵ
نه‌مان بێگانه‌ تاکو جێژنه‌مان لێ تاڵ بکه‌ن ئه‌و ساڵ
ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌
به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

حه‌ساوه‌ پیاوی ڕووت و قووت و بێ ئه‌نوا و بێ ئێروو
ژیاوه‌ گیانله‌به‌ر دیسان، له‌ کون هاته‌ ده‌رێ مێروو
له‌سه‌ر گوێسوانه‌ ده‌خوێنن به‌ پۆل پاساری و سێرۆ
ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌
به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

له‌ دنیادا که‌مه‌ هاوتای به‌هاری جوانی کوردستان
ئه‌ویش ئه‌و ساڵ که‌ لایێکی نه‌جاتی بوو له‌ ژێر ده‌ستان
له‌ خۆشی ئه‌و وڵاته‌ شاعیریش بۆته‌ هه‌زار ده‌ستان
ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌
به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

مامۆستا هێمن

Writing at:

Time: By: محمد پیش بینی| |

مامۆ ستا پیرەمێرد

نه ۆروز
شيعري پیرەمێرد
ئه م روژي سالي تازه يه نه ۆروزه هاته وه
جيژ نيكي كوني كورده به خوشي و به ها ته وه
چه ند سال بوو گولي هيواي ئيمه پي په ست بوو تاكو پار
هه ر خويني لاوه كان بوو گولي ئالي نه وبه هار
ئه و ره نگه سوو ره بوو كه له ئاسوي بلندي كورد
مژده ي به ياني بو گه لي دوور ونزيك ئه برد
وا روژهه لات له به نده ني به رزي ولاته وه
هه ر خويني شه هيده ره نگي شه فه ق شه وق ئه داته وه
نه وروز بوو ئاگريكي وه ها خسته جه رگه وه
لاوان به عه شق ئه چوون به ره و پيري مه رگه وه
تا ئيستا رووي نه داوه له تاريخي ميلله تا
قه لغاني گولله سنگي كچان بي له هه لمه تا
پيي ناوي بو شه هيدي وه ته ن شيوه ن وگرين
نامرن ئه وانه وا له دلي ميلله تا ئه ژين

Writing at:

Time: By: محمد پیش بینی| |

ته‌شریفی نه‌وبه‌هاره‌ که‌ عاله‌م ده‌کا نوێ

ته‌شریفی نه‌وبه‌هاره‌ که‌ عاله‌م ده‌کا نوێ
دڵ چونکه‌ میثلی غونچه‌یه‌ بۆیێ ده‌ پشکوێ

له‌م وه‌عده‌ خوشه‌ دا گوڵ و گوڵ چیهره‌ تێکه‌ڵن
یه‌ك ڕه‌نگ و موتته‌حید ، به‌ دڵ ، ئه‌مما به‌ ته‌ن

عه‌ر عه‌ر عه‌دیلی قه‌ددییه‌ یه‌عنی به‌رابه‌رن
سونبول شه‌بیهی زوڵفییه‌ فه‌رقی نییه‌ موێ

له‌م خۆشییه‌ که‌ هێزمی مه‌طبه‌خ سه‌وز بووه‌
ماوم عه‌جه‌ب له‌ دیده‌یی صۆفی که‌ ناڕوێ

تیپی شکۆفه‌ خه‌یمه‌یی داوه‌ له‌ هه‌ر طه‌ره‌ف
یا شاهی نه‌وبه‌هاره‌ هه‌ڵی داوه‌ هۆڕدوێ

دنیا که‌ گوڵ گوڵی بووه‌ قوربان ئه‌ تۆش وه‌ره‌
طالیب به‌ گوڵ به‌ قه‌یدی چیه‌ گوڵ گوڵی بوێ

بولبول که‌ گه‌رمه‌ نه‌غمه‌یی ئاگر ده‌کاته‌وه‌
غونچه‌ حه‌زینه‌ جه‌رگ و دڵی بۆ ده‌کا توێ

((نالی))! زوبانه‌که‌ی ته‌ڕ و پاراوی سه‌وسه‌نت
حه‌یرانی چاوی نیرگسه‌ وه‌ك لاڵه‌ نا دوێ

Writing at:

Time: By: محمد پیش بینی| |

خۆزگە ئەو هەڵوێستەمان هەبووایە !

پیاوێک لە خەو هەستاو لەگەڵ هاوسەرەکەی دەستی بە خواردنی نانی بەیانی کرد پاشان چووە ژوورەکەی تا کلیلەکانی بەڕێت لەسەر مێزەكه بینی مێزەکەش و تەلەفزیۆنەکەش تۆزێکی زۆریان لەسەر بوو، چووە دەرەوە بێ ئەوەی کلیلەکانی بەرێت، بە خێزانەکەی وت: گیانەکەم کلیلەکانم لەسەر مێزەکەن بۆم بهێنە ئەویش چوو کلیلەکان بهێنێت بینی لەسەر ئەو مێزەی کە بە تۆز داپۆشرابوو بە پەنجەی دەست نووسراوە هاوسەرە ئازیزەکەم خۆشم ئەوێی! پاشان سەیری تەلەفزیۆنەکەی کرد بە هەمان شێوە لێی نووسرابوو خۆشم ئەوێی ئەی هاوبەشی ژیانم!

ئافرەتەکەش کلیلەکانی برد بۆ هاوسەرەکەی و زەردەخەنەیەکی بۆ کرد کە مانای ئەوە بوو پەیامەکەت گەیشت و گرنگی بە خاوێنی ماڵەکەمان دەدەم!!ئەوە نیشانەی هۆشیاری و ڕۆشنبیری پیاوەکە بوو کە بە شێوەیەکی ژیرانە توانی خێزانەکەی تێ بگەیەنێت بێ ئەوەی هەستی بریندار بکات ....خۆزگە چ پیاوانمان چ ژنانمان ئەو هەڵوێستەیان هەبووایە .

Writing at:

Time: By: محمد پیش بینی| |