::✻ღϠ₡ღ AWENA ღϠ₡ღ✻::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

وه‌ره‌ مه‌یگێڕ ده‌مه‌وێ ئه‌وشۆ خه‌می دڵ که‌م که‌م
لووزه‌وم به‌رده‌ سه‌رێ نامه‌وێ جورعه‌ی که‌م که‌م

ته‌شه‌نا بۆته‌وه‌ ناسۆری ده‌روونم دیسان
زامی کۆنه‌ و به‌ مه‌یی کۆنی ده‌بێ مه‌ڵهه‌م که‌م

مشت و ماڵی ده‌وێ ئاوێنه‌یی ژه‌نگاوی خه‌یاڵ
مه‌ست و گێژم که‌، هه‌تا گاڵه‌ به‌ جامی جام که‌م

ئێسته‌ بۆ چاری خه‌مم گۆشه‌یی مه‌یخانه‌یه‌ جێم
من که‌ ڕۆژێک ده‌مه‌ویست میلله‌ته‌که‌م بێ خه‌م که‌م

تا نه‌ڕووخاوه‌، بڵا پڕ بێ له‌ خۆشی و مه‌ستی
تازه‌ پێی ناوێ ئه‌من هۆده‌یی خۆم مه‌حکه‌م که‌م

چۆن نه‌به‌م بۆ مه‌ی و مه‌یخانه‌ په‌نا تێ گه‌یوم
له‌و وڵاته‌ هه‌موو شت زۆره‌، به‌نی ئاده‌م که‌م

پیر و زورهانم و ئێستاش ده‌ڵه‌که‌م هه‌ر ده‌یه‌وێ
سه‌ر و ماڵم به‌ فیدای خاڵ و خه‌ت و په‌رچه‌م که‌م

داستانی مه‌م و زین کۆنه‌، کچێکم گه‌ره‌که‌
شلکه‌ ڕانی بکوشم بۆنی له‌ سینگ و مه‌م که‌م

من له‌ جوانی ده‌گه‌ڕێم، تێپه‌ڕه‌ زستانی دزێو
کچ که‌ ڕووم ناده‌نێ، با سه‌یری گوڵ و شه‌ونه‌م که‌م

شه‌ڕه‌بایه‌ له‌ چیاکان و هه‌وا تووشه‌ ده‌نا
وه‌کوو شێتان ده‌مه‌ویست ڕوو له‌ چیای ئه‌سته‌م که‌م

مام هێمن

Writing at: سه‌شنبه 16 اسفند 1390Time:23:20 By: awenakurd| |

ئەی دیدە پەری

ئــەی دیدە پــــەری بەو دەمـــــە بەو کوڵمە گوڵینە
بـــــۆکەس نیە تاسەر،ئەوەرێ، ئەم گوڵــــــی ژینە
تـــــاسەرنیە ئــــەم نـــــازە ، وەهـــا دووری مەبینە
ئەو چــاوە گــەلاوێــــژە خـــــەڵاتــــــی کـــــــە برینە
ئەو زووڵفە کە ئێساکە دووتوێـــــی عەمبەری چینە
رۆژێــــــکی کە دێ، تێکەڵی توێی خـــاکی زەمینە

یەو گــــــەردەنە بێگەردە کــــــــە وەك تەختی بلورە
ئــــــەو لێوە کـــــە وەك خونچە تەر و ناسك و سورە
ئێستاکە بەبـــــێ رەحمی سزای جــــــەور و فتورە
لای وایـــــە کە ژین فـــــانی نیەو رێـــــــــگای دوورە
نــــــــایزانێ کە هەر پەنجێ لـــــەم خاکی زەنمینە
کوڵمی دەهەزار(لەیل) و دەمی سەد(مەم و زین)ە

ئەمرۆ دڵــــــی بێچارە ئەبـــــەی ئەیخەیتە نــــــاوداو
نــــایزانــــی سبەینێ ئەکـــــەوی سەرکز و دامــــاو
ئەو جوانیە ئەروات و لـــەچــــاو گومەبێ وەك ئــــــاو
ئــــــەورۆژە ئەبــــــێ دائیمە هـــــەر بێنیە بەرچــــاو
تا رەحمێ بــــکەی ئێستا کـــــە بـــــەم زام و برینە
سەرکز نەبـــــی لەو جێگە بــــــێ سامانی زەمینە

ئــەم چـــەند قسەیەم و توە بـــــەتۆ ئێسە بەچاکی
گەرچـــی ئەشیزانم دڵــــی بـــــــەردت نییە بــاکی
مەروانـەرە ئەمرۆ کـــە بــــەروومـەت گوڵــــــی تاکی
بروانــــە سبەینێ کــــــە لەنــــــاو دامەنــــی خاکی
سەد لـــــەیلی وەك تـــــۆ بووە لــەم رۆشنی ژینە
ئێستاکــــــە لەنـــاو جەرگەیـــــی تــــاریکی زەمینە

مامۆســــــــــــتا
(ئه‌حــــــــمه‌د هەردی)
سالی١٩٣٩ نووسراوە

Writing at: سه‌شنبه 16 اسفند 1390Time:22:42 By: awenakurd| |

مه‌حوی

Writing at: سه‌شنبه 16 اسفند 1390Time:10:01 By: awenakurd| |

لـــــه‌ ئه‌مڕۆ لازمه‌ هه‌ركه‌س، بزانێ خۆی كه‌ كوڕ كێیه‌

لـــــه‌ ئه‌مڕۆ لازمه‌ هه‌ركه‌س، بزانێ خۆی كه‌ كوڕ كێیه‌

یه‌قین هه‌ر كه‌س نژادی خۆی نه‌ناسێ بێ سه‌ر و پێ یه‌

كوڕی بێ ئه‌سڵ وا چاكه‌، بــه‌ چه‌شنی گورگی ناو گه‌له‌

... ده‌ریكه‌ی با وه‌ته‌ن چۆڵـــــــــكا، نیشانه‌ی زۆڵیه‌تی پێ یه‌

برایی ئیشی زۆر چاكه‌، ده‌خیلت بــــــــــــــــم به‌ جێی بێنه‌

ئه‌لف چۆن ڕاسته‌، ئــــــــــازاده‌، ئه‌وه‌ی باری هه‌یه‌ تێ یه‌

به‌وه‌ڵڵا كاكه‌ بۆ تۆمــــــــــــــــه‌، ئه‌گه‌ر نا من حه‌قم چی بوو

بــڵێم لاده‌ له‌ ئه‌و شاخه‌، وه‌ره‌ لێرۆ بـــــــــــــــــــــڕۆ، ڕێیه‌

به‌ناحــــــــه‌ق باخه‌وان كه‌ی خزمه‌تی داری نه‌ناسی كرد؟

هه‌تا مه‌علووم نه‌بوو، ئایا زقـــــــوومه‌ یا خۆ هه‌رمێیه‌!!

نه‌ڵێی به‌خوا به‌گــــــوێی ناكه‌م، وتاری گشتی بێ سووده‌

هه‌تا مه‌علــــــــــووم نه‌بێ ئایا، كه‌ ئه‌م شێخ (قانع)ه‌ كێیه‌؟

مامۆستا قانع

Writing at: سه‌شنبه 16 اسفند 1390Time:09:57 By: awenakurd| |

وەلی دیوانە

وەلی دیوانە
هه‌ی شه‌می شه‌وان هه‌ی شه‌می شه‌وان
هه‌ی شه‌می به‌ شه‌وق چلچرای شه‌وان
... هه‌ی ژیانی من، هه‌ی ڕۆحی ڕه‌وان
هه‌ی گلێنه‌یی دیده‌ی بێخه‌وان
هه‌ی ئاسكی سه‌ركه‌ل، له‌ سێبه‌ر سڵكه‌ر
هه‌ی هه‌وای سازی كوێستانان له‌سه‌ر
هه‌ی عه‌نبه‌رین خاڵ سۆسه‌نی كڵاف
هه‌ی ڕوناكایی ڕه‌شماڵانی جاف
هه‌ی من په‌روانه‌ی په‌ڕ سوتاوی تۆ
هه‌ی من گیرۆده‌ی زوڵفی خاوی تۆ
تۆ جارێ نایه‌ی بۆ سه‌روه‌ختی من
گوێ ناده‌ی به‌ ئاه زامی سه‌ختی من
ناپرسیت ئاخۆ من بۆ تۆ چۆنم
بێباكی له‌ تین قرچه‌ی ده‌رونم
هه وای كوێستانت وا بۆ بوه‌وه‌
حه‌یفت كرد منت له‌ بیر چووه‌وه‌
بێ مروه‌تیت كرد هه‌ی شه‌م ده‌رباره‌م
من بۆ تۆ قه‌یسی سیا ستاره‌م
واده‌ی من و تۆ دیوانی خوا بێ
مه‌گه‌ر ئه‌و ڕۆژه‌ دادم ڕه‌وا بێ
شه‌می شه‌م ڕوومه‌ت تۆ به‌ سه‌لامه‌ت
سكاڵای دڵم كه‌وته‌ قیامه‌ت

Writing at: سه‌شنبه 16 اسفند 1390Time:09:55 By: awenakurd| |

یار

خۆم بەسەر پشتی باوە جێدێڵم ،
ڕوحم بەسەر ئێوارە هەناریەکاندا،
هەڵدەخەم.
کەچی هەرهەموو باڵندەکان ،
لەڕەنگی پێستم دەپرسن.
لە لەرەی دەنگم ڕادەکەن،
لە فڕین دەم شارنەوە.
تێبگە لێم ئەی یار !
وەڕەزبووم
لەوویشیک بونەوەی باران ،
لە پرچە ئاڵۆزاوەکانی تەمەن .
لە تەنیایی شەو.
ئەو سێبەرە منم ،
من .
ژنێک توڕەتر لە با،
بە سەر بەژنی سنەوبەرێکی
پڕ لەنازدا،
خۆی چەماندۆتەوە ،
بۆ بەخشینی ماچێک ،
بە گەرمایی دڵی یار،
سەوزایی چناری لێ دەتکێ،
ئەو ژنە منم
تا سەرئێسقان شەیدایی،
بۆنی دەستەکانتوو،
تامەزرۆیی گوشینی پەنجە خوێناویەکانی
عەشقم .
لەباخەلی تەمەندا،
بەدەم ڕۆیشتنەوە
هێدی هێدی،
ڕەنگی کراسەکەی بەرتوو،
بزە گەرمەکانی ڕوحت
دەدوێنم .
دەگەرێم
بۆڕازی چاوەکانت،
بۆ سۆزی باران ، بۆ رەنگی خودا.
هەموو شەوێ ئامێز پڕدەکەم،
لە خەونی سەوزوو،
نیگام لە
لەنجەی دار سێو ێک داڵینم.
بەیادی یار.
دەگەرێم ،
بۆ سێبەری مانگ،
تا خۆمی لە ژێردا ون کەم ،
بۆ
ئێوارەیە پڕبە بەژنی ڕووناکی دامگرێ
فێنیکی هەناسەی.
ویستم چاوم بە دیدار ت
بسپێرم .
کەچی دەستم لەنێو نیگایی
رۆژدا شکا،
ڕوحم بەسەر ڕەنگی غەریبیمدا،
هەڵوەریی.

کوێستان عومەرزادە

Writing at: سه‌شنبه 16 اسفند 1390Time:09:53 By: awenakurd| |

كورته چیرۆک-نويژ

پياويك له‌يه‌كيك له‌ شه‌وه‌ تاريكه‌كاندا هه‌ستا چه‌ند ركاعه‌تيك شه‌ونويژى كرد !! بۆ به‌يانى ئه‌و رۆژه‌ زۆر هه‌ستى به‌ ئاسوده‌يى كرد له‌به‌رئه‌وه‌ بريارى دا هه‌موو شه‌ويك شه‌ونويژ بكات, به‌ڵام بۆ ڕۆژانى دواتر ئه‌و له‌زه‌ته‌ خۆشه‌ى نه‌ما, زۆر بێتاقه‌ت بوو تاكو پرسيارى له‌ زانايه‌ك كرد, زاناكه‌ش وه‌ڵامێكى زۆر جوانى دايه‌وه‌.. فه‌رمووى : تۆ يه‌كه‌م شه‌و ته‌نها بۆ خوا نوێژت كرد به‌ڵام شه‌وه‌كانى تر بۆ له‌زه‌ت وه‌رگرتن, با ئاگامان له‌ نيه‌ته‌كانمان بێت قال رسول الله ( صلى الله عليه وسلم) : انما الاعمال بالنيات و انما لكل امرء ما نوى)

Writing at: سه‌شنبه 16 اسفند 1390Time:09:44 By: awenakurd| |

ده‌می ڕاپه‌ڕینه‌ ده‌می ڕاپه‌ڕین

هه‌تاكه‌ی به‌ سستی و به‌ په‌ستی بژین ؟؟

په‌لامارده‌ ئه‌ی كورد عه‌ره‌قڕشتنێ

له‌دڵ كرمی ناكۆكی ده‌ركردنێ

به‌یه‌كبوونه‌ گشت

پته‌وبوونی پشت

به‌یه‌كبوون ئه‌بێ

گه‌لت پێش كه‌وێ ده‌می ڕاپه‌ڕینه‌ ده‌می ڕاپه‌ڕین

هه‌تاكه‌ی به‌ سستی و به‌ په‌ستی بژین ؟؟

به‌لادا بكه‌ چاكی مه‌ردایه‌تی

درێغی مه‌كه‌ گیان له‌ كوردایه‌تی

بگرمێنه‌ وه‌ك شێر بچۆ ناوی به‌رد

بڵێ كوا هه‌قی ژینی ئینسانی مه‌رد؟

درشت تاكو ورد

نه‌كه‌ین ده‌ست و برد

به‌هه‌ق چۆن ئه‌گه‌ین ؟

پشوو چۆن ئه‌ده‌ین ؟

ده‌می ڕاپه‌ڕینه‌ ده‌می ڕاپه‌ڕینهه‌تاكه‌ی به‌ سستی و به‌ په‌ستی بژین

گۆران

Writing at: دوشنبه 15 اسفند 1390Time:18:25 By: awenakurd| |

نالی

موساوی وه‌ك یه‌ك و لولن له‌ هه‌ردوو لاوه‌ زوڵفه‌ینی
نمونه‌ی عه‌کسی حه‌رفی (میم) و (نون) و (واو) ه‌ زه‌لفه‌ینی

به‌ داوه‌ گرژو خاوه‌ یه‌عنی ئاڵۆزاوه‌ زه‌لفه‌ینی
دوو تاوه‌ دوو سیان و شێوه‌که‌ی شێواوه‌ زه‌لفه‌ینی

په‌رێشان و شکسته‌ و سه‌رنیگون داماوه‌ زه‌لفه‌ینی
تومه‌ز بادی صه‌بای چین و خه‌طای لێ داوه‌ زه‌لفه‌ینی

له‌ جێی پاوانه‌ و گه‌ردن لغی داناوه‌ زوڵفه‌ینی
که‌ وه‌ك ئه‌ژده‌ر له‌ پێ وو گه‌ردنی ئاڵاوه‌ زه‌لفه‌ینی

دوو جادو ماری مه‌غزی ئاده‌می خواری قه‌رار داوه‌
له‌ سه‌ر شانی وه‌کو ضه‌ححاك و ناوی ناوه‌ زه‌لفه‌ینی

به‌ طوڕڕه‌ وه‌ك په‌ر طاوس به‌ گه‌ردن ئاههوه‌ یه‌عنی
له‌سه‌ر ئاهویی گه‌ردن هه‌ر دو حه‌لقه‌ی داوه‌ زه‌لفه‌ینی

به‌ ظاهیر ظوڵمه‌ت و دوده‌ به‌ باطین نور و نارێکی
له‌ عود و عه‌نبه‌ر و میسکی خه‌طای به‌رداوه‌ زه‌لفه‌ینی

شکه‌نجی تاری پڕ میشکی ته‌تار و تاره‌ ئه‌مما ئه‌و
دووتا و هه‌ر تایه‌ بارێکی له‌عه‌نبه‌ر ناوه‌ زه‌لفه‌ینی

وه‌کو دودی سیاهه‌ ئاهی ((نالی)) و ئه‌م ڕه‌قییبانه‌
له‌سه‌ر تا پێ له‌ به‌رگی مه‌رگ و ماته‌م ناوه‌ زه‌لفه‌ینی

Writing at: دوشنبه 15 اسفند 1390Time:14:01 By: awenakurd| |

تاوانم چیه‌ دڵ تۆی هه‌ڵ بژارد

لۆمه‌ی من نه‌که‌ی نه‌ڵێی نامه‌ی نارد

به‌ ده‌ست من نیه‌ دڵ تاوان باره‌

به‌ڵام وادیاره‌ ئه‌ویش ناچاره

Writing at: دوشنبه 15 اسفند 1390Time:13:59 By: awenakurd| |

صفحه قبل 1...14 151617 18 ...44 صفحه بعد