::یاران له‌ جه‌رگم،یاران له‌ جه‌رگم::

https://awenakurd.loxblog.com/ always

صنایع آلومنیوم
پیش بینی

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

Home E-mail Archive Posts Profile

یاران له‌ جه‌رگم،یاران له‌ جه‌رگم

یاران له‌ جه‌رگم،یاران له‌ جه‌رگم

شه‌م شیوه‌ی تیری داوه‌ له‌ جه‌رگم

که‌وتمه‌ گیانه‌ڵڵا دواکاتی مه‌رگم

مه‌مشۆن و کفن مه‌که‌ن به‌ به‌رگم

تکایه‌ مه‌یشۆن جێی برینی له‌ش

با له‌ زام بتکێ تکه‌ی خوێنی گه‌ش

شه‌هید بێ کفن و بێ شتن چاکه‌

هه‌رکه‌س شه‌هید بێ بێ گه‌رد و پاکه‌

به‌لام وه‌سیه‌تم ئه‌مه‌یه‌ یاران

دوور له‌ ووڵاتم وام له‌ دیاران

تو خوا با گۆڕم له‌ رێ ی خێڵان بێ

له‌سه‌ر ریگای شه‌م شاخی گێڵان بێ

کێلیکی به‌رز به‌قه‌د باڵای شه‌م

له‌سه‌ر گڵکۆم بێ به‌بی زیاد و که‌م

تاقی به‌ به‌وینه‌ی تاقی برۆی ئه‌و

سوژده‌گای دڵ بێ به‌ رۆژ و به‌ شه‌و

له‌ رووی بنوسن هۆنراوه‌کانم

که‌ به‌ تیری شه‌م ده‌رچووه‌ گیانم

تا هه‌رکه‌سێ دێ کێل و مه‌زارم

بزانێ کوشته‌ی ده‌ستی دڵدارم

چونکه‌ شه‌م گۆنا تاتاری چینه‌

له‌ ده‌شت بێزاره‌ چیا نشینه‌

ڕۆژی هه‌ڵ که‌وێ له‌ رێ گوزارێ

ریگه‌ی بنێته‌ سه‌ر گۆڕم جارێ

بزانێ که‌شته‌ی ئاخ و داخی دڵ

ئێش و ئازاری برده‌وه‌ تۆی گڵ

وه لی دیوانه

Writing at: دوشنبه 10 مهر 1391Time:23:20 By: awenakurd| |

Copyright © 2012 All Rights Reserved by 3692.loxblog.com - Des By : M.Pishbini**ئاوێنـــــه**