::ڕێوڕه‌سمی یادکردنه‌وه‌ی-ئیبراهیم یوونسی- لە سنە::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

ڕێوڕه‌سمی یادکردنه‌وه‌ی-ئیبراهیم یوونسی- لە سنە

له‌ ڕێوڕه‌سمێکدا به‌ ئاماده‌بوونی پارێزگاری کوردستان، نووسەران و شاعیران، چالاکانی بواری ئەدەب و فەرهەنگ و ژمارەیەکی زۆر لە چین و توێژەکانی خەڵک، لە ڕێ و ڕەسمێکدا یادی دکتۆر"ئیبراهیم یوونسی" لە سنە ، بەرز ڕاگیرا.

به‌پێی ڕاپۆری"کوردپرێس" ؛ ئەم ڕێو ڕەسمە سەرلە ئێوارەی پێنج شەممە ١٦ی فێبریوێری لە مزگەوتی" مەلا وەیسی"ی شاری"سنە" بەڕێوەچوو.

له‌م ئاهه‌نگه‌ی یادکردنه‌وه‌ی"ئیبراهیم یونسی"دا ؛" ئەحمەد نەزیری"، "ئومێد وەرزەندە"،" ماجدمەردۆخ ڕۆحانی"، "حامد فەرازی"، "نیعمەتوڵڵا عەزیزی" و" نەجمەددین جەباری" سەبارەت بە شەش دەیە کار و تێکۆشانی بێ وچانی ئیبراهیم یوونسی لەبوارەکانی وەرگێڕان، نووسین و خزمەتی ئەدەبی، قسەیان کرد.

"شاکر ئەبووبەکر"بەرپرسی چاپ و بڵاوکردنەوەی وەزارەتی ڕۆشنبیری و لاوانی هەرێمی کوردستانی ئێراقیش کە بەشداریی لەم کۆبوونەوەیەدا کردبوو لە وتەیەکدا وێڕای ئاماژە بە شوێندانەریی کاروتێکۆشانی ئیبراهیم یوونسی لە بواری فەرهەنگ و ئەدەب، بەبۆنەی کۆچی دوایی ئەم وەرگێڕ و نووسەرە بەتوانایه‌ ، بەناوی هەرێمی کوردستانی ئێراقه‌وه‌ سەرەخۆشی کرد لە بنەماڵەی ڕەحمەتی و نووسەران و ڕۆشنبیران و چالاکانی بواری فەرهەنگ و ئەدەب.

"ئازاد یونسی" کوڕی خوالێخۆشبوو دکتۆر ئیبراهیم یونسی له‌ قسه‌گه‌لێکدا ڕێزی گرت له‌ ئاماده‌بوونی خه‌ڵکی به‌ئه‌مه‌گی کوردستان له‌م ڕێوڕه‌سمه‌دا .