بابا تایه‌ری هه‌مه‌دانی یا ناسراو به‌ بابا تایه‌ری عوریانی ، هونه‌رێكی به‌رز و هه‌ره‌ گه‌وره‌ی كلاسیزمی كورده‌ ئه‌م هۆنه‌ره‌ مه‌زنه‌مان زۆر لایه‌نی ژیانی به‌ نادیاری و شاردراوه‌ی ماوه‌ته‌وه‌ ته‌نها ئه‌وه‌ندی لێزانراوه‌ كه‌ خه‌ڵكی شاری هه‌مه‌دان بووه‌ ، كه‌ شارێكی سه‌ر به‌ ناوچه‌ی لوڕستانه‌ ، چوار خشته‌كیه‌كانی به‌ زاراوه‌ی لوڕی وتوه‌ پیاوێكی سۆفی و خواناس بووه‌ له‌ خه‌ڵك دور كه‌وتۆته‌وه‌ و گۆشه‌گیری لا په‌سه‌ند بووه‌ ، به‌ڵكه‌ بگات به‌ خۆشه‌ویسته‌كه‌ی هه‌ر له‌هه‌مه‌دان كۆچی دووایی كردوه‌و گۆڕه‌كه‌ی له‌سه‌ر گردێكه‌ كه‌ كه‌وتۆته‌ باكوری ڕۆژ ئاوای هه‌مه‌دان ئێستا ئارامگه‌یه‌كی جوانیان به‌سه‌ره‌وه‌ درووست كردووه‌ ( له‌ وێنه‌كانی په‌یجه‌كه‌مان ئه‌لبوومێكمان بۆ وێنه‌ی مه‌زارگه‌كه‌ی درووست كردووه‌ ) له‌باره‌ی ژیانیه‌وه‌ گه‌لێك كه‌س لێی دواون و هه‌ریه‌كه‌ به‌پێی سه‌لیقه‌و بۆ چوونی خۆی شتی نووسیوه‌ به‌ڵام ژیانی بابه‌ تایه‌ر وه‌ك و ژیانی شاعیره‌ گه‌وره‌كانی تر به‌ دوور نه‌بووه‌ له‌ ده‌ست تێوه‌ردانی مێژوناسانی ئه‌ده‌ب و ئه‌وانه‌ی سه‌رسا م و پابه‌ند بوون به‌بیروو به‌رهه‌مه‌ ئه‌ده‌بیه‌كه‌ی . له‌ ئه‌نجامدا وا ده‌ركه‌وتووه‌ كه‌ساڵی له‌ دایك بوونی پێش نیوه‌ی یه‌كه‌می سه‌ده‌ی چواره‌می كۆچی نه‌بووه‌ بابا تاهیر له‌ یه‌كێك له‌ چوارینه‌كانی ئاماژه‌ی بۆ ساڵی له‌ دایك بوونی كردووه‌ كه‌ به‌ پێی لێكدانه‌وه‌ی ژماره‌ی ئه‌بجه‌دی كه‌ساڵی له‌ دایك بوونی ده‌كاته‌ (326) كۆچی به‌رامبه‌ر به‌ (938) زایینی وه‌ سالی مردنی به‌ (401) كۆچی به‌رامبه‌ر به‌ (1010) زایینی دانراوه‌ به‌ڵام هیچ به‌ڵگه‌یه‌ك بۆ دروستی ساڵی مردنی له‌به‌ر ده‌ست نیه‌