::هەڵبەستی دەروون::

https://awenakurd.loxblog.com/ always

صنایع آلومنیوم
پیش بینی

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

Home E-mail Archive Posts Profile

هەڵبەستی دەروون

هەڵبەستی دەروون

هەرچەن ئەکەم، ئەو خەیاڵەی پێی مەستم

بۆم ناخرێتە ناو چوارچێوەی هەڵبەستم!

لێکدانەوەی دەروون، قسەی زمانم:

بۆچی وەها دوورن لەیەک؟ نازانم!

ئەمویست دەروون بکرایەوە وەک تۆمار

دەرکەوتایە دنیای جوانتر لە بەهار،

دەرکەوتایە: ئاوات، هیوا، خەوبینین...

پرشنگدارتر لە ئەستێرەی قوبەی شین!

دەرکەوتایە: مانای مەنگی دەریایی،

کە نەرمەبا لە ڕووی ئەدا ئەسپایی

دەرکەوتایە ئەو دنیایەی کە شیعری

بێ فرمێسکە و زۆرتر لە فرمێسک ئەگری

زەردەخەنەی بێ ئاوێنەی دەم و چاو

تیژگێک ئەدا ڕووناکترە لە هەتاو!..

بەڵام ئەفسووس! کە ئەو شیعرە جوانانە

باڵدارێکن جێ ناهێڵن هێلانە

لە ناوەوە ئەجریوێنن، ئەخوێنن

هەرگیز قەڵەم بە کاغەزا ناهێنن!..

Writing at: جمعه 21 مهر 1391Time:00:35 By: awenakurd| |

Copyright © 2012 All Rights Reserved by 3692.loxblog.com - Des By : M.Pishbini**ئاوێنـــــه**