::به‌ڕێوه‌چوونی پێشانگایه‌كی هێڵكاری له‌ پیرانشار::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

به‌ڕێوه‌چوونی پێشانگایه‌كی هێڵكاری له‌ پیرانشار

(PNA) ـ پێشانگای تاكه‌كه‌سی هێڵكاری، له‌ به‌رهه‌مه‌كانی محه‌مه‌د جه‌لال وه‌ند، له‌ شاری پیرانشار به‌ڕێوه‌چوو. پێشانگایه‌كی تاكه‌كه‌سی هێڵكاری به‌ خامه‌ی ره‌ش له‌ به‌رهه‌مه‌كانی شێوه‌كاری ناسراوی ناوچه‌ی پیرانشار محه‌مه‌د جه‌لال وه‌ند، له‌ هۆڵی نیگارخانه‌ی ئیداره‌ی فه‌رهه‌نگی و ئیرشادی پیرانشار به‌ڕێوه‌چوو. له‌م پێشانگایه‌دا كه‌ بۆ ماوه‌ی یه‌ك هه‌فته‌ به‌رده‌وام بوو، به‌ رێژه‌ی 70 به‌رهه‌م له‌ باشترین به‌رهه‌مه‌كانی ئه‌و هونه‌رمه‌نده‌ شێوه‌كاره‌ به‌ قه‌باره‌ی جۆراوجۆر نمایش كرا كه‌ له‌ بابه‌ته‌كانی سه‌ربه‌ست و كۆمه‌ڵایه‌تیدا خوڵقابوون. ئه‌و پێشانگایه‌ به‌ مه‌به‌ستی په‌ره‌پێدانی هونه‌ری هێڵكاری و دابینكردنی ئه‌نگێزه‌ و ناساندنی ئه‌و هونه‌ره‌ی بواری شێوه‌كاری له‌ نێو هۆگران و لایه‌نگرانی هونه‌ره‌كانی به‌شی به‌رجه‌سته‌ییدا، به‌ هاوكاری ئیداره‌ی فه‌رهه‌نگی و ئیرشادی شارستانی پیرانشار ساز كرا. شێوه‌كار له‌و تابلۆ شێوه‌كاریانه‌دا به‌ ته‌كنیكێكی شیاو و شێواز و ستایلی تایبه‌ت به‌ خۆی، له‌ رێگای به‌كارهێنانی كه‌ره‌سته‌ی خامه‌ی ره‌ش، به‌رهه‌مه‌كانی خوڵقاندووه‌. تابڵۆكانی ئه‌م پێشانگایه‌ رامانی جیاواز و مانای جۆراوجۆریان هه‌بوو، كه‌ له‌ لایه‌ن بینه‌ران و هۆگرانی هونه‌ری شێوه‌كاری پێشوازی لێكرا. محه‌مه‌د جه‌لال وه‌ند ئێستا له‌ شاری تارانی پایته‌خت خه‌ریكی ته‌واوكردنی خوله‌كانی پسپۆڕانه‌ی هێڵكاری به‌ خامه‌ی ره‌ش. پیامنیر

Writing at: دوشنبه 03 بهمن 1390

Time:14:59 By: محمد پیش بینی| |