ئەلائەی نازەنینی شۆخی شۆخان
غەزالە تاقەکەی سەربەندی کوێستان
مەکانت کونجی دڵمە،زۆر نزیکی
لە بەر چی نابییەی ئاوازی گریان ؟
بە خەم گەر بمکوژی،ئەو وەختە شادم
کە خاکێکم ئەبم بە تۆزی دامان
رەقیب ئەزانێ من لە لاتم !
کە بولبول دائیما، ها لە گوڵستان
لە کوشتن چون دەترسم رۆژێ سەدجار؟
کە لێوی تۆیه چەشمەی ئاوی حەیران
دڵ و گیانم بە پێشکەش قاسیدت کرد
خراپی کرد هەواڵی دا بە هەرزان
زەمانه ئیش و کاری هەر بەرعەکسە
چ نیسبەت (قانع)و عیشقی جوانان؟!
قانع
